LES SES

DANIËL IN DIE LEEUKUIL

KERNWAARHEID

Die Here God is ons Bewaarder en Beskermer.

DOEL

i) Om die kind te verseker dat alle dinge meewerk ten goede vir hulle wat aan God gehoorsaam is.

ii) In hierdie les val die klem op onderrig vir wedergebore kinders. Indien ‘n evangelieboodskap in dieselfde lesuur nodig geag word, kan ‘n kort voorwerples of ‘n geselsie rondom ‘n gepaste koortjie vir die doel voorberei word. Bied dit aan voor die les.

 

SKRIFLESING VIR DIE ONDERWYSER

Daniël 6 : 1 - 29: Daniël 9

 

TEKSVERS

“Werp all julle bekommernisse op Horn, want Hy sorg vir julle.” (1 Petrus 5 : 7)

VQORGESTELDE LIEDERE

L & S 8     Daniël het gereeld gebid

Hal. 419     Op berge en in dale.

Ps/Ges       Ges. 5 Kom dank nou almal God

Maak ook gebruik van die liedjies uit die vorige lesse.

VISUELE HULPMIDDELS

Agtergronde: Troonkamer van die paleis

Binneshuis: Donker effekleur flennie vir leeukuil

Prente: 18. 33. 34. 35. 36. 37. 38a. 38b. 38c. 39. 40.

Teksvers: Skryf die teksvers op “n groot vel papier of op ligte karton in die vorm van ‘n leeu.

DIE LES

 

Vandag kom ons by die laaste verhaal uit die lewe van Daniël. Dis ‘n storie wat baie van julle al gehoor het, maar as julle mooi luister, sal julle nuwe dinge hoor wat julle nog nie weet nie. Elke keer as ons die Woord van God, die Bybel, oopmaak en die Here vra om ons daaruit te leer, dan wys die Heilige Gees, ons onderwyser, vir ons dinge wat ons nog nie raakgesien het nie, al het ons die betrokke deel al oor en oor gelees.

Kom ons kyk eers of ons die vyf verhale wat ons alreeds uit Daniël se lewe gehoor het, kan onthou. (Hersien kortliks les 1 tot les 5 en veral die teksverse.)

TONEEL EEN

‘n NUWE KONING

(Daniël 6:1-3)

Agtergrond: Troonkamer van die paleis

Prente: 33. Darius: 34. ministers: 35. Daniël.

 

Daar is ‘n nuwe koning in Babilonie! Die Mede en Perse het die Galdiërs oorrompel en hul hoofstad Babel ingeneem. Koning Belsasar is. Die nuwe koning is Darius. (Plaas 33) Hy het die regering herorganiseer.

Hy het honderd en twintig goewerneurs aangestel om oor sy hele ryk te regeer. Oor hulle was daar drie ministers aan wie die goewerneurs moes rekenskap gee. Een van die ministers was belangriker as die ander twee, (Plaas prent 35) en hierdie belangrike pos is aan Daniël gegee (Plaas prent 34) omdat hy bo die ander uitgeblink het deur sy buitengewone bekwaamheid.

Die ander ministers en die goewerneurs het gehoor dat die koning van plan was om hom oor die hele ryk aan te stel.

Hulle het gevoel die koning trek vir Daniël voor. Hulle was jaloers op hom. Elkeen van hulle wou graag self daardie pos gehad het! God se Woord leer vir ons dat jaloesie sonde is. God gee self vir elkeen van ons wat Hy weet is goed vir ons. As ons jaloers is op ander wat, soos ons dink, meer het as ons. Dan beteken dit ons is nie tevrede met wat die Here ons gegee het nie.

Maar hierdie manne was jaloers. Hulle probeer toe uitvind of Daniël iewers ‘n fout gemaak het in sy administrasie van die koning se sake, sodat hulle horn by die koning kon beskuldig, maar daar was niks. “Want Daniël was betroubaar en was aan geen nalatigheid of onreelmatigheid skuldig nie.” (Verwvder 33. 34- 35)

Is dit nie wonderlik dat hierdie manne geen fout by Daniël kon kry nie? Hulle het net dit gevind hoe betroubaar hy was. Elke dag was hy getrou besig met die werk wat hy veronderstel was om vir die koning te doen en hy het dit gedoen asof hy dit vir die Here doen. As ons skottelgoed was, winkel toe gaan, ons lesse leer en ons ouers gehoorsaam net soos ons dit vir die Here sou doen, dan maak dit ‘n groot verskil, want dan kan ons dit alles doen met ‘n blye hart.

Daniël se vyande besluit toe: “Ons sal niks teen hierdie Daniël kry nie, behalwe as ons iets kan kry in verband met sy godsdiens.” Toe bedink hulle ‘n baie lelike plan om Daniël te vang, maar eers moes hulle dit so konkel dat die koning sou saamwerk sonder dat hy besef dat hy deel van ‘n plan teen Daniël was.

TONEEL TWEE

DIE MINISTERS EN GOEWERNEURS SE PLAN

(Daniël 6 : 4 - 9)

Agtergrond: Onveranderd.

Prente: 33. Darius: 35. ministers.

 

(Plaas 33)

“Mag die koning baie lank lewe!” groet die ministers en goewerneurs toe hulle by koning Darius binnekom, (Plaas 35) en gaan voort, “Ons het ooreengekom dat daar ‘n koninklike dekreet uitgevaardig moet word. Die dekreet moet baie streng bepaal dat enigiemand wat gedurende dertig dae enige god of mens aanbid behalwe vir u, u majesteit, in ‘n leeukuil gegooi moet word.” Hulle is sommer haastig daarmee. “Stel dan nou so ‘n dekreet op en vaardig dit skriftelik uit sodat dit nie verander kan word nie.”

Koning Darius het toe so ‘n wet neergeskryf en onderteken, sonder dat hy besef het dat hulle beplan om vir Daniël, sy getrouste amptenaar, daarmee te vang. (Verwyder prente.)

TONEEL DRIE

DANIËL BID

(Daniël 6 : 11)

Agtergrond: Eenvoudige kamer. Heg met kopspelde ‘n woldraad aan die bord vas om die deur voor te stel soos in die diagram aangedui

Prente: 35. ministers: en 36. Daniël wat bid.

(Onderwyser (es): Lees Daniël 9 om die aansluiting hier te kan maak.)

 

Julle onthou dat Daniël en sy mense nie eintlik in Babilon tuis gehoort het nie. Hulle eie land was ver daarvandaan. Die Israeliete is na Babilon geneem as straf omdat hulle nasie nie vir God gehoorsaam het nie. Dit klink vir ons asof God onregverdig was teenoor Daniël en die ander Israeliete wat vir Horn gehoorsaam was. Maar God is nooit onregverdig nie. Alles wat met sy kinders gebeur, is vir hulle ten goede solank hulle Horn gehoorsaam. Daniël het die Woord van die Here lief gehad en bestudeer.

Gedurende die eerste jaar van koning Darius se regering het hy gelees dat die Here aan die profeet Jeremia gesê het (Jeremia 25 : 11.) dat sy volk vir 70 jaar in Babel sou moes bly omdat hulle die Here God verlaat het.

Toe Daniël dit sien, het hy baie ernstig begin bid. (Plaas 36) Hy het die sondes van sy volk bely. Ons lees sy woorde in Daniël 9 waar hy sê: “Ek het tot die Here my God gebid en bely: Ag Here, .... ons het gesondig, ons het oortree, ons het verkeerde dinge gedoen, ons was opstandig en het nie gelewe volgens u gebooie en u bepalings nie.”

Daniël het baie ernstig gebid en gesmeek dat die Here sy mense uit die ballingskap in Babel sal verlos en na hulle land terugneem.

Selfs nadat die koning die wet gemaak het dat niemand enige ander god of mens mag aanbid behalwe die koning nie, het Daniël aangehou om dit te doen. (Lees Daniël 6 : 11 aan die klas voor.)

Dit was net waarvoor die ministers en goewerneurs gewag het! (Plaas 35) Hulle het ook nie nodig gehad om lank te wag nie, want Daniël het drie keer per dag gebid. En hy het nie die koning aanbid nie! Hy het die Here God aanbid. Die Skepper van die hemel en die aarde, die God vir wie hy nog elke dag gedien het vandat hy in Babel aangekom het. Dit het blykbaar nie vir horn saak gemaak wat konings, ministers of goewerneurs kan doen nie. Hy het vertrou op die Almagtige God wat alles vir horn ten goede sou laat uitwerk. En daar het sy vyande hom gekry, besig om te bid. Hulle was verheug dat hulle plan geslaag het. (Verwyder prente.)

TONEEL VIER

DIE KONING KRY DIE NUUS

(Daniël 6 : 13 -15.)

Agtergrond: Troonkamer van die paleis

Prente: 33. Darius en 35. ministers.

 

(Plaas 33.)

 

Haastig het die ministers en die goewerneurs voor die koning gekom (Plaas prent 35.) en gemaak, onskuldig gevra: “Het u, O koning, nie ‘n wet gemaak dat elkeen wat gedurende dertig dae enigiemand anders as u aanbid, in die leeukuil gegooi moet word nie?” “Ja!” sê die koning. “En dit staan vas. Dis ‘n wet wat nie herroep kan word nie.” Toe vertel hulle hom hoe Daniël die wet oortree, want hy bid drie maal per dag tot sy God. Toe die koning dit hoor, het hy baie sleg gevoel dat hy die wet gemaak het, want hy het Daniël liefgehad. Die hele dag het hy probeer om ‘n plan te beraam om Daniël te red en toe die son ondergaan het hy nog steeds probeer. Maar die koning self kon nie die wet verander wat hy geskryf en onderteken het nie. (Verwyder 33 en 35.)

TONEEL VYF

DANIËL IN DIE LEEUKUIL

(Daniël 6 : 16 – 25.)

Agtergrond: Donker effekleurige agtergrond.

Prente: 37. Daniël: 38a. 38b. 38c. leeus: 39. Darius; 40. engel.

 

Die koning moes toe maar die bevel gee dat hulle Daniël in die leeukuil moes gooi, maar voordat dit gedoen is, het die koning lets wonderlik vir Daniël gese: “Mag jou God. Wat jy met soveel volharding dien, jou red.” Ook die koning het geweet hoe getrou Daniël aan die Here was. Hy het ook geweet dat die God van Daniël baie krag het. Hy het al van sy wonderdade gehoor. Dit is wonderlik dat Daniël se lewe so was dat ander mense kon sien dat hy God dien. Kan jou vriende sien dat jy God dien? Na watter musiek en TV programme luister en kyk jy? Watter boeke en tydskrifte lees jy?

Oor watter grappe lag jy? By watter geselskap is jy speeltye tuis?

As jou lewe toon dat jy God dien, sal jou maats baie meer gewillig luister as jy met hulle praat oor die Here. Daniël se lewe het harder ‘gepraat’ as sy woorde.

(Plaas 37, 38a. 38b, 38c.) Maar nou was hy in die leeukuil. Kon God hom werklik daar bewaar? ‘n Groot klip is gebring, op die opening van die leeukuil gesit en die koning het dit verseel sodat dit nie oopgemaak kon word nie.

Die koning het na sy paleis gegaan, maar hy het die nag nooit geslaap nie. Hy wou nie eens eet of na musiek luister nie. So ontsteld was hy oor Daniël.

Toe dit lig word die volgende oggend, het hy opgestaan en haastig na die leeukuil gegaan. (Plaas 39) Daar gekom, het hy bekommerd na Daniël geroep en gevra: “Daniël. dienaar van die lewende God, was jou God in staat om jou van die leeus te red?” En Daniël antwoord: “Mag die koning baie lank lewe! My God het sy engel gestuur (Plaas 40) om die bekke van die leeus toe te sluit sodat hulle my niks kon aandoen nie, want Hy het bevind dat ek nie teen Hom oortree het nie. Ook teen u het ek niks verkeerds gedoen nie, u majesteit.”

Hoe bly was die koning om Daniël se stem te hoor! Die leeus het niks aan horn gedoen nie omdat hy op sy God vertrou het. Toe het die koning beveel dat Daniël uit die leeukuil opgetrek moes word (Verwyder al die prente)  en  dat  daardie manne wat  hom beskuldig het, ingegooi moes word. Hulle het nog nie eens onder grond gevat nie of die leeus was op hulle om hulle te verskeur.

Vir wie het die Here gestuur om Daniël te beskerm? Ja, ‘n engel. (Plaas 40) Het julle geweet dat elke geredde kind ‘n engel het wat oor hom of haar waghou? (Matteus 11 : 10) Engele se spesiale werk vir die Here se kinders is om hulle teen liggaamlike kwaad te beskerm. (Psalm 91 : 11) “Hy sal sy engele opdrag gee om jou te beskerm waar jy ookal gaan. (Verwyder 40)

Die koning het daardie nag nooit geslaap nie, maar Daniël het dalk heel rustig geslaap daar tussen die leeus. Hy het geheel en al op die Here vertrou om te doen wat goed is vir hom. Hy was gewillig om dood gemaak te word of lewendig te bly, net wat die Here die meeste sou verheerlik.

Hy het al sy bekommernis op die Here gewerp en die Here het vir horn gesorg. (Herhaal 1 Petrus 5 : 7)

 

TONEEL SES

DARIUS SE OMSENDBRIEF

(Daniël 6 : 26 - 28.)

Agtergrond: Troonkamer van die paleis

Prente: 18. aankondiger; en 33. Darius

 

(Plaas 18 en 33)

 

Koning Darius was geweldig beïndruk met wat gebeur het. Hy was so beïndruk dat hy ‘n brief geskryf het aan al die volke, nasies en taalgroepe in sy koninkryk. Luister na wat hy geskryf het! (Lees Daniël 6 : 27 en 28 aan die klas voor.)

Die goewerneurs het bedoel om vir Daniël kwaad aan te doen maar die Here het dit ten goede verander. Die hele koninkryk van Darius het gehoor van die ware God en sy wonderdaad om Daniël van die leeus te red.

SLOT

Julle het ook vandag gehoor van die ware God en dat Hy die mag het om mense te red. Hy wil ons red van iets baie erger as leeus. Hy wil jou red van ‘n ander soort dood. Laat my verduidelik: Die Here sê in Romeine 6 : 23 dat “die loon wat die sonde gee, is die dood”. Daardie ‘dood’ beteken dat ons van God verwyder sal wees vir ewig en ewig. Van daardie dood wil God ons almal red. Hy wil ons ‘n plek gee in die hemel, by Hom. Wil jy vandag van daardie dood gered word? Ek sal dit graag verder met jou wil bespreek na afloop van ons klas.