LES VYF

DANIËL LEES DIE GEHEIMSINNIGE HANDSKRIP

KERNWAARHEID

Jy moet gereed wees om God te ontmoet.

DOEL

i) Om die Christen kind aan te moedig tot standvastigheid en getrouheid aan God, sodat hy / sy nie skaam hoef te wees om God te ontmoet nie.

ii) Om die ongeredde kind gereed te maak om God enige oomblik te ontmoet.

SKRIFLESING VTR ONDERWYSER(ES)

Daniël 5 : 1 - 31

TEKSVERS

"'Geweeg': u is geweeg en te lig bevind." (Daniël 5 : 27)

(Die teksvers word in lesverband aan die klas verduidelik en geleer.)

VISUELE HULPMIDDELS

Agtergrond: Binne in die paleis

Prente: 9a. 9b. 9c. 26. 27- 28. 29. 30. 31. 32

Teksvers: Skryf die teksvers op 'n groot vel papier of op ligte karton in die vorm van ‘n weegskaal en skryf die woorde daaroor.

VOORGESTELDE LIEDERE

Evangelie-liedere van Christelike Uitgewers Maatskappy No 4 "Wanneer Gods basuin sal klink"

Ps/Ges      Ges 168 Getroue Heiland

Ps/Ges      Ges 177 Ek sien 'n nuwe

S & L 3     As Jesus Kom

S & L 16    Die Here Kom!

J.S.B.88     Kyk. Hy Kom weer

J.S.B- 39    Aan almal wat Horn

Hal 105      Verhef jul hemelpoorte

 

DIE LES

 

"Bessie!" sê Mnr. Black toe hy die Sondagskoolregister invul. Stilte. "Bessie?" vra Mnr. Black weer. Weer is daar geen antwoord nie. Bessie is afwesig.   Mnr. Black wonder waar sy is, want hy is lief vir haar. Hy het haar eendag op die stoep van 'n armoedige huisie gekry. Haar klere was verslete en sy het so verwaarloos gelyk- Toe Mnr. Black haar na die Sondagskool uitnooi, het sy gretig geantwoord: "Ek sal Sondag kom!" Toe het sy na haar ou rokkie gekyk en gesê miskien sal sy tog nie kom nie.

Iets wonderliks het die volgende dag gebeur! 'n Groot papiersak vol nuwe klere het op haar huis se stoepie gestaan! Al die klere het haar gepas! Daarna was Bessie elke Sondag by die Sondagskool. Sy het altyd met 'n vrolike stemmetjie 'teenwoordig' geantwoord as haar naam afgelees word vir die register.

Die dag toe sy die Here Jesus in haar hart ontvang het, was Mnr. Black net so bly soos sy.

Toe Mnr. Black daardie Sondag na Sondagskool huis toe loop, loop en dink hy aan die register in die hemel. Hy weet as Bessie se naam op daardie hemelse register afgelees word, sal sy daar wees, want sy is gered. Sy is 'n kind van die Here.

Toe Mnr. Black by die huis kom, het hy gaan sit en 'n lied geskryf: "When the roll is called up yonder I'll be there." Ons sing dit ook in Afrikaans. Bessie het nooit weer na die Sondagskool gegaan nie, want sy was ernstig siek. Na 'n paar weke het die Here haar geneem om saam met Horn in die hemel te wees. Die Sondagskoolkinders het haar gemis, maar Mnr. Black het hulle getroos en gesê, "Dink daaraan: as die hemel se register gelees word, sal Bessie vrolik se, 'Teenwoordig!'"

Dink terug aan ons vorige Bybelles. Dink julle koning Nebukadnesar sal vir die hemel se register teenwoordig wees? Ja, ons glo dat Nebukadnesar, nadat hy soos 'n dier in die veld moes lewe, met sy hele hart na God toe gekom het.

TONEEL EEN

BELSASAR SE FEESMAAL

(Daniël 5:1-4)

 

Agtergrond: Binne in die paleis.

Prente: 26. banketsaal; en 'n paar van die bekers

 

Die   jare   het   verbygegaan.   Koning Nebukadnesar is later dood en 'n koning met die naam van Belsasar was koning in sy plek. Daniël, die profeet van God, was ook al ouer maar hy was nog steeds 'n belangrike man in die regering van Babilonie.

Die nuwe koning, Belsasar, het niks omgegee vir die God van Daniël nie. Hy het die geskiedenis van Nebukadnesar goed geken en het geweet dat Nebukadnesar die ware God erken het, maar hy het horn glad nie daaraan gesteur nie.

Een aand het koning Belsasar 'n groot ete gegee vir sy duisend hoofamptenare. (Plaas 26.) Dit was 'n groot banket en daar was ook baie wyn. Die koning het saam met sy amptenare gedrink.

Toe hy onder die invloed van die wyn was, het hy bediendes gestuur om die goue en silwer  bekers  te  gaan haal  wat  koning Nebukadnesar uit die tempel in Jerusalem gebring het. (Heg die bekers aan die tafel vas met wondergom.) Julle onthou, in die eerste les oor Daniël het ons gehoor hoedat koning Nebukadnesar teen Jerusalem gaan veg het en baie van die inwoners gevang en na Babel weggevoer het. Daniël en sy vriende was ook onder die wat Babel toe geneem is.

Daardie tyd het Nebukadnesar ook die goue en silwer bekers wat in die tempel van God in Jerusalem was, geneem en in die skathuis van sy afgode in Babel laat bêre. Hierdie bekers was heilig, gewy aan die diens van God. Dit was net vir gebruik in die tempel in Jerusalem, maar koning Belsasar het dit laat haal sodat hy en sy amptenare daaruit kon drink. Dink julle koning Belsasar se naam sal in die register in die hemel wees? Nee. Glad nie! Hy het niks omgegee vir die dinge van God nie.

Dit was 'n verskriklike ding wat hy gedoen het. Hy en sy gaste en sy vrouens het wyn uit die heilige bekers gedrink en terwyl hulle dit doen, het hulle hul afgode geprys - afgode wat van goud, silwer, brons, hout en klip gemaak is en hulle nie eens kon hoor nie. Skielik het daar iets gebeur!

TONEEL TWEE

DIE SKRIF TEEN DIE MUUR

(Daniël 5:5-6)

Agtergrond: Onveranderd. Prent(e): 26, banket tafel (laat onverander): 28. die skrif teen die muur.

 

In die helder lig van die kandelaar het 'n mensehand verskyn en begin skryf teen die witgepleisterde muur. Daar was geen mens nie, net die vingers wat skryf teen die muur. (Plaas 28.)   Die koning word bleek van skrik. Sy knieë kap teenmekaar soos hy bewe van vrees.

Hoekom, dink julle, was Koning Belsasar so bang? (Laat die kinders bespreek. Help hulle om te verstaan dat hy waarskynlik nie geglo het dat daar 'n lewende God is wat horn vir sy sondes sou straf nie.)

En wat van jou? Nee, jy sal nie 'n handskrif aan die muur sien nie en jy doen nie die sondes wat Belsasar gedoen het nie. Maar die Here het in die Bybel geskryf dat almal van ons ook sondig is. Jy weet dit is waar en jy is bang om God te ontmoet want jy behoort nie aan Horn nie. Moet jy nie vandag wegdraai van jou sonde en na die Here kom nie? As jy dit wil doen. kom gesels met my daaroor na afloop van die klas.

Die koning en sy amptenare kon nie die skrif aan die muur lees nie, want dit was in 'n vreemde   taal.   "MENE,   MENE,   TEKEL UFARSIN" (of PERES) het daar teen die muur gestaan.

 

 

 

TONEEL DRIE

DIE KONING EN SY RAADGEWERS

(Daniël 5 : 7 - 12)

 

Agtergrond: Onveranderd.

Prent(e): 9a, 9b, 9c, voorspellers, sterrekykers, besweerders: 26, bankettafel: 28, skrif teen die muur; 29, Belsasar; 30, koningin.

 

Bleek en bewend staan koning Belsasar van die tafel af op. (Verwyder 26 en plaas 29.) "Bring die voorspellers, die sterrekykers en die besweerders" skree hy. Toe die raadgewers inkom. (Plaas 9a- 9b en 9c) sê hy vir hulle: "Enigiemand wat kan lees wat hier geskrywe is en dit vir my uitlê, sal 'n koninklike kleed aangetrek word en 'n goue halsketting omgehang word, en hy sal as derde in rang regeer." Maar nie een kon die woorde lees nie, wat nog te sê verduidelik wat hulle beteken. Die koning het al hoe bleker en banger geword, en die hoofamptenare het verslae daar rondgestaan.

Te midde van al die verwarring, kom die koningin  die  saal binne.  Sy  het  koning Nebukadnesar geken. (Plaas 30)

"U moenie so bang en bleek wees nie." sê sy vir koning Belsasar. "Daar is 'n man in u koninkryk in wie 'n gees van wysheid en insig is. U voorganger, koning Nebukadnesar self het hom aangestel as hoof van die wyse manne, want hy het buitengewone bekwaamheid om drome uit te lê, probleme op te los en moeilike dinge te ontrafel. Laat haal nou vir Daniël, en hy sal vir u die uitleg gee." (Verwyder 30- 9a. 9b en 9c.)

 

TONEEL VIER

DANIËL VOOR KONING BELSASAR

(Daniël 5 : 13 - 31)

 

Agtergrond: Onveranderd.

Prente: 28, skrif teen die muur: 29, Belsasar: 31, Daniël: en 32, Daniël geklee in koninklike kleed.

(Laat 28 en 29 onverander.)

 

Belsasar het natuurlik al van Daniël gehoor en ook van sy wysheid geweet. Tog het hy hom gladnie in aanmerking geneem nie. Hy het die heidense waarseërs laat kom. Maar Daniël, wat al die jare nog die Here getrou gedien het in Babel, word nou ingeroep. (Plaas prent  31.)  Weer  belowe  die  koning  die koninklike kleed, die goue halsketting en die pos van derde in rang in die regering, maar Daniël antwoord: "Hou gerus maar u geskenke en gee u beloning liewers aan iemand anders. Ek sal buitendien vir u lees wat geskryf is en dit vir u uitlê." Daniël het nie in die koning se beloning belang gestel nie. Die beloning waarna hy uitgesien het, was nie iets wat Belsasar horn kon gee nie. Daniël wou die beloning hê wat die Here gee aan elkeen wat Horn getrou dien en Daniël het sekerlik sy God getrou gedien vir baie jare.

Luister wat Daniël vir die koning gesê het. (Lees uit die Bybel voor, Daniël 5 : 18 - 21.)

Daniël is gladnie bang om vir die koning te preek nie! Hy weet dat hy sê wat God wil hê hy moet sê. Maar sy boodskap is nog nie klaar nie. Hy gaan verder. (Lees Daniël 5 : 22 - 24. Beklemtoon vers 22.)

Daniël sê Belsasar het geweet hoe die Here sy voorganger, Nebukadnesar, verneder het omdat hy so trots was op sy eie prestasies. "U het dit alles geweet." sê Daniël, "maar u het u ook groot gehou teenoor die God van die hemel." Belsasar het wel baie van die ware God gehoor, maar nooit na Horn toe gekom nie. Hy het die Here God selfs uitgedaag deur die heilige tempelbekers vir sy eie drinkery te gebruik.

“Daarom is die hand deur God gestuur en is hierdie woorde geskrywe,” sê Daniël, “en dit is wat die woorde wat geskrywe is: GETEL, GETEL, GEWEEG EN VERDEEL.”

Dit was nie genoeg om net die woorde te vertaal nie. Die koning kon nog nie verstaan watter boodskap agter die woorde sit nie. Maar die Here het Daniël ook in staat gestel om dit vir die koning uit te lê. “Dit is die betekenis van die woorde.” sê hy.

“GETEL”: God het die jare van u koningskap getel en 'n einde daaraan gemaak.”

“GEWEEG”: Dit was die tweede woord. (Vertoon die teksvers.) “U is geweeg en te lig bevind.” Ons kan dit so stel: 'God het gedink oor jou lewe en besluit jy het ‘n mislukking daarvan gemaak.' Is dit nie vreeslik nie? Dit laat ons besef hoe ernstig dit is om ligsinnig te lewe en God buite rekening te laat.

“VERDEEL”: was die derde woord. “U koninkryk is verdeel en aan die Mediërs en Perse gegee.”

Wat die skrif aan die muur gesê het, het nog dieselfde nag gebeur. Terwyl die koning se dronkparty aan die gang was, was sy vyande alreeds besig om die stad Babel binne te kom en dit in te neem. Die Bybel se: “Daardie nag is koning Belsasar vermoor en Darius die Mediër het die koningskap oorgeneem.” (Daniël 5 : 30 en 6 : 1.)

 

SLOT

Onthou julle dat Bessie reg was om hemel toe te gaan toe sy gesterf het? Mnr. Black was ook reg. Koning Nebukadnesar was ook reg, want hy het hom van sy sonde bekeer tot die ware God. Maar wat van Belsasar? Hy het sonder God gesterwe. Hy is op die weegskaal geweeg en te lig bevind.

Belsasar het vir Daniël 'n koninklike kleed en 'n goue halsketting en die derde hoogste pos in die regering belowe as hy die betekenis van die skrif aan die muur kon uitlê. Voordat die koning dood is, het hy sy belofte uitgevoer. (Verwyder 31 en vervang met 32)

Al hierdie geskenke is aan Daniël gegee, maar dit was vir horn nie baie belangrik nie. Daniël kon uitsien na sy hemelse beloning want hy het sy lewe lank sy God getrou gedien. Hy sou nie bang of verleë voor God hoef te staan nie.

Wat van julle wat alreeds die Here Jesus ken as julle Saligmaker? Is julle gehoorsaam en getrou aan Horn? Julle sal seker nie vir 'n koning hoef te preek soos Daniël gedoen het nie, maar is julle gewillig om voor julle maats die Here te eer? (Indien tyd dit toelaat, sal dit nuttig wees om te bespreek hoe hulle as kinders, die Here kan eer.)