Die lewe van Danël

LES DRIE

DANIEL SE VRIENDE IN DIE BRANDENDE OOND

KERNWAARHEID

God is altyd by sy kinders en Hy verlaat hulle nooit.

DIE DOEL

i) Dat die Christen kinders sal leer om onder alle omstandighede troos te put uit God se teenwoordigheid.

ii) Dat die ongeredde kind Jesus Christus as sy Verlosser sal aanneem.

SKRIFLESING VIR ONDERWYSER(ES)

Daniel 3 : 1 - 30

TEKSVERS

"Ek is die Here jou God. Ek vat jou hand. Ek se vir jou: Moenie bang wees nie. Ek help jou." (Jesaja 41 : 13.)

VOORGESTELDE LIEDERE

Hal. 385 Moenie bevrees wees-

S & L 79 Twyfel nie meer

S & L 42 Hy hou die wereld in sy hand

J.S.B. 53 Hy is Heer

J.S.3. 80 Die Here is my Herder

Ps/Ges Ps 23 Net soos "n herder

Ps/Ges Ges 5 Kom. dank nou

VISUELE HULPMIDDELS

Agtergronde: Buitemuurs: Troonkamer van paleis-

Knip 'n oond uit bruin papier. Maak dit groot genoeg sodat die prente daarin sal pas. Heg dit met wondergom aan die bord vas-

Prente: 4, 5, 6, 9a, 9b, 9c, 15, 16, 17, 18, 19 en 20.

Teksvers: Skryf die teksvers op 'n groot vel papier of op ligte karton in die vorm van n oop hand.

DIE LES

Shao San wil net huil. Sy moet die sendingskool in Sjina waar sy so gelukkig was, verlaat. Hier by die sendingskool het sy van die Here Jesus en sy liefde vir haar geleer. Maar haar ouers het gekom en gesê: "Ons het werk in 'n dorp dertig kilometer hiervandaan vir jou gekry, Shao San. Ons neem jou vandag soontoe."

"Ek sal die enigste Christen in daardie stad wees", sê sy hartseer aan die sendeling. "Ja", sê die sendeling, "maar jy weet Wie met jou saamgaan. ne?" "Ja", knik Shao San en sy glimlag. "die Here Jesus gaan saam met my."

Toe die mense in wie se huis sy gaan werk het, vir Shao San roep om saam met hulle die huisgode te aanbid, sê sy vir hulle sy kan dit nie doen nie, want sy is 'n Christen. Sy vert al die huismense en ook ander wat sy in die dorp ontmoet, van die ware God: hoe God sy Seun, Jesus Christus, gestuur het om vir hulle sondes te sterf. Sy vertel hulle dat Jesus nie dood is soos hulle gode nie. Hy het opgestaan en lewe in die hemel.

Die mense lag haar uit. Sommige word kwaad en knou haar af. Sy is dikwels so eensaam en hartseer dat sy huil, maar sy sorg dat niemand dit sien nie! Sy lees die beloftes in die Bybel oor en oor. Een belofte wat haar baie troos, staan in Spreuke 15 : 3. (Laat die kinders dit naslaan en lees- of lees dit vir hulle voor.) Sy weet God het haar lief en merk op as sy hartseer is. “Op elke ple is die oë van die Here”

Eendag kom twee mans van die dorp waar Shao San werk. by die sendingskool aan. Hulle vra die sendeling om iemand na hulle dorp te stuur om hulle van die Here Jesus te leer en 'n skool daar te begin. "Maar hoekom?" vra die sendeling. "Ons het al so baie kere probeer om julle mense van Jesus te vertel maar julle het altyd geweier."

Die mans antwoord: "Shao San woon in ons dorp. Almal wat haar ken, sien haar sagte geaardheid en mooi maniere. Selfs as sy mishandel word, word sy nie kwaad nie. As ons vir haar vra, dan antwoord sy altyd: "Dit is omdat ek die Here Jesus liefhet. Jesus het vir my lief. Hy is altyd by my." Ons wil hê die ander meisies in ons dorp moet ook soos sy wees. Sal u nie iemand na ons dorp toe stuur om ons van Jesus te vertel nie?"

Ons het reeds verlede keer gehoor van vier jong manne wat soos Shao San, ver van hulle eie land in ‘n vreemde land was, waar hulle eie land in ‘n vreemde land was. Waar die mense nie die ware God aanbid het nie. Wat was hulle name? Waar in die Bybel vind ons die verhaal van Daniel en sy vriende? Is hulle ware stories? Hoe verskil die Bybel van ander boeke? In watter land was hulle? Wat was die naam van die koning? Watter belofte het ons gekry in ons vorige teksvers? (Laat almal saam Johannes 15 : 7 herhaal.)

TONEEL EEN

DIE BEELD VAN GOUD

(Daniel 3:1-7)

Agtergrond: Binne in die Troonkamer van die paleis.

Agtergrond: Buitemuurse agtergrond.

Prente: 15. Nebukadnesar: 16. goue beeld: 17. skare mense: en 18. Aankondiger

(Plaas prent 17.)

Die mense het gestroom na Duradal in die provinsie Babel. Die paaie was vol opgewonde skares. Weke aaneen hoor hulle al die stories van die groot beeld van goud wat Nebukadnesar laat maak het (Plaas prent 16). 'n pragtige goue beeld van 30 meter hoog. Hulle kon skaars wag om daar te kom.

Daar sou ook baie belangrike mense wees, die prinse, goewerneurs, die kapteins, die regters, die bankiers, die raadgewers, die magistrate en al die opsigters oor die provinsies en veral die belangrikste van almal. Die groot Koning Nebukadnesar! (Plaas prent 15)

Toe al die mense bymekaar was, het die aankondiger (Plaas prent 18) na vore getree en hardop geroep: "Alle volke, nasies en taalgroepe, julle word beveel: Wanneer julle die geluid hoor van trompet, fluit, siter, lier, harp, ander blaas- of musiekinstrument, moet julle buig voor die goue beeld wat koning Nebukadnesar laat oprig het en dit aanbid. Wie nie buig en die beeld aanbid nie, sal onmiddellik in 'n brandende oond gegooi word." (Daniel 3 : 4 – 6)

Onmiddellik het die musiek losgebars - trompette, finite, harpe, siters, blaas- instrumente! Toe al die mense die musiek hoor, het hulle neergeval en die goue beeld aanbid. (Verwyder prente.)

TONEEL TWEE

DANIEL SE VRIENDE BY DIE KONING AANGEKLA

(Daniel 3 : 8 - 12)

Agtergrond(e): Troonkamer van die paleis

Prente: 9a, 9b, 9c, towenaars, voorspellers, goëlaars, sterrekykers: 15 (of 1), Nebukadnesar

Het AL die mense neergebuig? NEE, nie heeltemal almal nie. Tussen die menigte mense was drie manne, wat soos Shao San getrou was aan hulle God in 'n land waar almal afgode aanbid het. Hulle was Daniel se drie vriende: Sadrag, Mesag en Abednego.

Sommige Galdeërs was gou by die koning om Sadrag, Mesag en Abednego te gaan verkla. Dit klink asof hulle jaloers was. (Vers 12.) (Plaas 15 of 1: 9a. 9b- 9c.)

"U, o Koning" het hulle gesê, "het 'n bevel uitgevaardig, dat al die mense voor die goue beeld sal neerval en dit aanbid. Wie nie aanbid nie, sal in 'n brandende oond gegooi word. Maar nou, o Koning, is daar Jode vir wie u in beheer van die administrasie geplaas het, Sadrag, Mesag en Abednego, wat NIE gehoorsaam is nie. Hulle dien nie u god nie, hulle buig nie voor die goue beeld wat u laat oprig het nie." (Verwyder 9a. 9b. 9c.)

TONEEL DRIE

DANIEL SE VRIENDE VOOR DIE KONING

(Daniel 3 : 13 - 18.)

Agtergrond: Onveranderd.

Prente: 15 of 1 - Nebukadnesar: 4 - Sadrag; 5 - Mesag en 6 - Abednego.

(Laat prent 15 (of 1) onverander.)

Toe die koning hoor dat Sadrag, Mesag en Abednego nie voor die goue beeld neerbuig en aanbid nie, het hy woedend geword. Hy het die drie manne laat kom (Plaas 4. 5. 6). "Is dit waar, Sadrag, Mesag en Abednego, dat julle NIE my god dien en my goue beeld wat ek laat oprig het, nie aanbid nie? As julle neerval wanneer die musiek weer speel en die beeld wat ek gemaak het aanbid, goed en wel, maar as julle NIE aanbid nie, sal julle onmiddellik in 'n brandende oond gegooi word en watter God sal julle uit MY hande kan red?"

Wat sou nou gebeur? Hierdie drie jong manne het die ware God geken. Hulle het Horn liefgehad en Horn aanbid. Hulle het antwoorde op hulle gebede gekry. Hulle het sy Woord geken. Hulle het geweet God sê in sy Woord, (Lees Eksodus 20 : 3, 4 en eerste gedeelte van vers 5 uit die Bybel voor of laat die kinders dit naslaan.) Hoe kon hulle dan die goue beeld wat koning Nebukadnesar laat oprig het, aanbid?

Hulle antwoord, "Ons hoef u nie hierop te antwoord nie. Ons het ons God vir wie ons dien. Hy het die mag om ons te red uit die brandende oond en Hy sal ons ook red uit u mag. Selfs as Hy dit nie doen nie, moet u weet dat ons u god nie sal dien nie, die goue beeld wat u laat oprig het, nie sal aanbid nie." (Daniel 3 : 17, 18)

Daar was dit! Die drie jong Hebreeuse manne het ver van hulle eie mense en hulle land, getrou aan die ware God gebly, terwyl al die ander die koning se bevele gehoorsaam en voor sy beeld neergebuig het. "Ons glo God sal ons verlos van die brandende oond" het hulle gesê. "Maar selfs as dit NIE Sy wil is nie en ons doodgebrand moet word, sal ons nie u gode aanbid nie, koning Nebukadnesar."

Ons stel onsself in die plek van hierdie manne. Sal ONS getrou wees aan die ware God al kos dit ook ons lewe? Sal ons kies om liewer in die warm oond gegooi te word, as om ongehoorsaam aan God te wees?

Koning Nebukadnesar se humeur was nou vuurwarm, net soos die brandende oond. Hy het weer woedend geword toe die jongmanne horn antwoord. Hy kon slange vang van boosheid.

Die koning kon nie sy sondige humeur beteul nie. Hy het Iemand groter as hyself nodig gehad om horn te beheer. God kon sy hart verander. God het horn lief gehad en wou horn red van sy sonde. Het julle gedink God het net goeie mense lief? Nee, Hy haat sonde maar Hy het ons lief al is ons sondig; so lief dat Hy die Here Jesus gestuur het om te sterf vir ons sonde en ons skuld te betaal. Het jy Horn al gevra om in jou lewe te kom woon?

Party van ons, al is ons Christene, het ook humeure wat ons nie kan beheer nie. Jou moeder het miskien al dikwels vir jou gevra om nie so gou kwaad te word nie. Jy word vir jou sussie en boetie kwaad; jy slaan jou maatjie; jy huil miskien as jy nie jou sin kry nie. Hierdie dinge is sonde in God se oë. Maar hier is goeie nuus, want as JY nie die woede kan beteuel nie, die Here Jesus kan dit doen. Vra Horn om jou oorwinning oor jou humeur. Of watter ander sonde ook al te gee. Vertrou Horn dat Hy dit dadelik vir jou gee en dank Horn. Onthou God is altyd by jou om jou te help. Wat het ons geleer in Jesaja 41 : 13? (Herhaal dit saam.)

Arme koning Nebukadnesar het nie die ware God geken wat hom kon help nie. (Verwyder 4, 5, 6 en 15 of 1.)

TONEEL VIER

DANIEL SE VRIENDE IN DIE BRANDENDE OOND.

(Daniel 3 : 19 - 30)

Agtergrond: Buitemuurs-

Prente: 4 - Sadrag; 5 - Mesag; 6 – Abednego; 15 - Nebukadnesar: 17 - skare mense; 19 - Sadrag, Mesag en Abednego vasgebind; 20 - vuur met God; en oond.

Toe Koning Nebukadnesar so woedend kwaad was, het hy die oond sewe keer warmer as gewoonlik laat maak. (Plaas 15, 17 en oond)

Daarna beveel hy sterk manne om Sadrag, Mesag en Abednego vas te bind en in die oond te gooi. Die koning se bevel was dringend en die oond was baie warm. Toe die oond se deur oopgemaak word, het die vlamme by die deur uitgeskiet. So erg was die hitte dat die manne wat Sadrag, Mesag en Abednego in die oond moes gooi, doodgebrand het. (Plaas 19 en 20.)

Die mense rondom het hard geskreeu, want hulle het gesien dat die drie Hebreeuse manne nie gebrand het nie. Die vlamme het geen krag oor hulle gehad nie. Koning Nebukadnesar was verbaas. Verskrik het hy vir sy raadgewers gevra: "Het ons nie drie vasgebinde manne in die oond gegooi nie?" Hulle antwoord: "Dis waar, o Koning." Nebukadnesar antwoord: "Kyk, ek sien vier manne los loop in die middel van die vuur en hulle brand nie ... en die vierde lyk soos 'n hemelwese!"

Dis 'n troos om te weet, dat as ons in benoudhede is, die Here daar is om ons te help. Die warm oond en die vuur laat ons aan moeilike tye dink. Die Here het gesê: "Wanneer jy deur die vuur loop, sal jy nie brand nie; ook sal die vlamme jou nie skroei nie"; (Jesaja 43 : 2) Ons kan dit so stel: "Wanneer jy probleme het, sal hulle jou nie ondersit nie."

Party mense dink as hulle Christene word, sal hulle net altyd gelukkig wees. Dis nie waar nie. Baie mense wat aan God getrou is, het moeilikhede. Maar daar is een verskil. Seuns en dogters wat gered is, het die Here Jesus saam met hulle in hul moeilikheid. Net soos die Seun van God, in die warm oond saam met Sadrag, Mesag en Abednego was.

Miskien het jou Ma en Pa baie probleme. As julle nou huis toe gaan, vertel hulle dat Jesus met hulle in hierdie probleme is. As hulle Horn nie ken nie, vra die Here om jou te gebruik om jou ouers na Horn te bring sodat hulle ook vir Horn kan leer ken. (Onderwyser/es: Wees voorbereid om 'n kind wat dit wil doen te help met raad en ook 'n Boekie sonder Woorde of traktaat wat hy/sy kan gebruik om te getuig.)

Toe Nebukadnesar iemand soos 'n hemelwese in die oond saam met die drie jong manne sien, kom hy nader na die oond (verskuif 15 effens) en roep: "Sadrag, Mesag en Abednego, dienaars van die allerhoogste God, kom uit hierheen!" (Verwyder 19 en 20 en plaas 4, 5 en 6.) Toe hulle uitkom uit die vuur, drom die prinse, goewerneurs, kapteins en al die groot manne saam om hulle te sien. (Skuif 17 nader.)

Hulle ruik nie eens na rook nie! Nie een haar op hulle koppe is geskroei nie!

Toe sê Nebukadnesar: "Aan die God van Sadrag, Mesag en Abednego kom die eer toe, ... wat sy dienaars wat op Horn vertrou, Gered het ... hulle was bereid om eerder hulle lewe te verloor as om enige god behalwe hulle God te dien of te aanbid." Wat was die belofte in ons teksvers? (Herhaal dit te saam.) Het God sy woord gehou aan Sadrag, Mesag en Abednego? Sal Hy Sy woord hou aan jou? Natuurlik! Toe het die koning 'n bevel uitgevaardig. (Lees die bevel uit die Bybel – Daniël 3 : 29 asook vers 30.)

SLOT

Het julle opgelet dat Nebukadnesar gesê het daar is geen ander god soos die God van Daniël nie, maar hy het nie God as sy EIE God aanvaar nie? Hy het homself nie erken as 'n sondaar wat God se redding nodig gehad het nie. Miskien het jy ook van Jesus gehoor van kleins af. Jy weet dat, toe Hy gesterf het, Hy gestraf is vir die sonde wat jy doen. Jy weet dat Hy opgestaan het uit die dood en dat Hy lewe, maar jy het Horn nog nooit as jou Verlosser aangeneem nie.

Die Here Jesus het vir almal gesterwe, maar as jy gered wil word, moet jy hierdie Here Jesus as jou Saligmaker persoonlik aanneem. Wil jy dit vandag doen? Na die klas, kan ek vir jou verder help om meer te weet. Kom na my toe nadat ons afgesluit het.