LIDMAATTAL: 402

Predikante wat die gemeente bedien het: Di. C.C.J. Serfontein (1968-1970), J.C. Welman (1971-1975), S.J.Hugo (1975-1978), T.C.J. Bothma (1978-1994), M. du T. Loubser, (1986-1992), J.A. Schellingerhout (1993), W.F. de Waal (1995-1999), G.A.van Dalen (2000-) (= medeleraars).

Geskiedkundige agtergrond: Toe die eerste en enigste gemeente van die eertydse Nuwe Protestantse Kerk destyds in Pretoria sy gebou in Kerkstraat 21 verkoop het, is die gemeente in Junie 1968 in ‘n westelike en oostelike gemeente verdeel. Later sou die oos-gemeente bekend staan as Rietfontein-gemeente. ‘n Erf in dié voorstad in 27e Laan is vir die gemeente bekom. Die eerste kerkraadsvergadering van die nuwe oostelike gemeente is op 24 Junie 1968 in die Ou Mutual-gebou op Kerkplein gehou. Ds. Nic Burger, die westelike gemeente (tans Tuine) se predikant het as voorsitter opgetree. Tot met die beroep van ds. Serfontein het emeritus ds. Charlie Miles die gemeente bedien. Dienste is in die Vrouefederasiesaal, 28e Laan, Villieria gehou. Uit Rietfontein is die gemeentes Pretoria-Maranatha (1973) en Pretoria-Oos (1998) afgestig. Die kerkgebou en saal is op 11 September 1971 ingewy.

Rietfontein gee nou al vir vele jare meer as 10% van sy inkomste vir wêreldevangelisasie. Dit het tot besondere finansiële seën gelei, waarvoor ons ons getroue God alle eer gee.

Toekomsvisie: . . . Dat die gemeente ‘n geestelik volwasse, ywerige groep mense sal wees wat God sal verheerlik met hul ywer en getrouheid. Dat God spoedig ‘n Bybelse herlewing sal stuur sodat vele verlorenes Christus sal vind, kinders van God geheilig sal word en die evangelie wyd sal uitdra met groot ywer.

Kort boodskap van leraar: Mag u as leser, verby dit kyk wat mense in die E.G.K. vermag het, en u hart onverdeeld op Christus rig van wie alles kom en wat dit moontlik gemaak het deur sy kosbare Gees. Mag ons almal Hom met alles in ons volg en dien, sodat Hy ons kan gebruik as geestelike volwassse kinders van God waar ons ook al beweeg. En mag God ons vry maak van alle wêreldgesindheid en heilig en bruikbaar maak totdat Christus in glorie verskyn!