Pretoria-Oos
STIGTINGSDATUM: 10 MEI 1998
Die gemeente is gestig nadat
ds. en mev. Haupt vanf 1 Maart 1998 hier gearbei het. Die gemeente is gestig
met 66 lidmate afkomstig uit verskillende kerkgenootskappe. Die eerste twee
jaar was ‘n opdraande stryd. Dienste is gehou in ‘n saal wat ook gebruik is vir
boks, stoei en troues. Die Here het ons in staat gestel om ons eie kerkgebou op
te rig – die eerste grasdak kerkgebou in die E.G.K. Die nuwe kerkgebou is op 19
Januarie 2002 ingewy.
Die Here het ons gemeente besonderlik geseën deur wonderlike genesings
te verrig. Met die bou van die kerk het die Here so wonderlik voorsien – al die
eer aan Hom.
Die uitbreiding van Pretoria het verskuif na die oostelike voorstede,
waar ons kerk geleë is. Sedert die inwyding van die kerkgebou is daar talle
woonbuurtes hier ontwikkel. Reg teenoor die kerk is 700 huise in aanbou. O,
dat hierdie gemeente ‘n vuurtoring sal wees vir verlore siele!
Ons begeerte is dat die kerk en die saak van die Here in hierdie nuwe jaar sal uitbrei en dat talle siele gered sal word. Mag ons elkeen gereed wees vir die wegraping.