Phalaborwa

 

STIGTINGSDATUM: 15 November 1986

LIDMAATTAL: 85

 

Predikante wat die gemeente bedien het: Di. Rudi Beukes (Des. 1986-), Willie Grobler  (Sept. 91-Nov. 93), Wimpie Raath (Des. 93-99), Gerrie Ploos van Amstel (1999-Sept. 2001) en tans Herbie Lyon  (Okt. 2001-)

 

Geskiedkundige agtergrond: Ds. Woest het gevra of ‘n student daar geplaas kan word. Di. Jasper Schel­lingerhout en Conrey Ferreira het vir 6 weke prakties in Phalaborwa gedoen. Dienste is met goeie vrug te Essenstraat 17 gehou. Na ‘n besoek van di. Coetzee en Haupt om die vatbaarheid vir ‘n gemeente te toets, is die gemeente in die ou Voortrekkersaal met drie gesinne gestig. Met verloop van tyd is die gemeente in drie wyke verdeel. Naas koninkrykswerk, het hulle onderskeidelik gewerk vir ‘n kansel, nagmaalstafel van kiaathout en dakwaaiers. Verder het elke gesin vir sy eie gesin stoele gekoop + 2 ekstra stoele. So het hulle twee honderd stoele kon aankoop. Die gemeente se kerkgebou is op 30 Junie 1990 ingewy. Vanaf 2001 is die jaarlikse padwedloop op 1 Mei die hoogtepunt vir hul fondsinsameling.

 

Toekomsvisie: Selfstandigwording en ontwikkeling van die kerkperseel. Daar is nog genoeg spasie vir ‘n saal en ‘n pastorie.

 

Kort boodskap van leraar: Die tyd is besig om uit te loop, daarom is dit nodig dat ons verhouding met die Here al hoe intiemer en inniger sal word. Wat ‘n groot en heerlike taak lê die Here Jesus nie op ons skouers nie – dat ons voorbidders kan wees.

 

  Wees beskikbaar vir God.