LIDMAATTAL: 208

Die gemeente van George is vanjaar twintig jaar oud. Predikante wat hier diens gedoen het, is: Di. Johan Tolken, Johan Reiners, Pieter Cronje, Johan Botha en Bill Barkley.

‘n Groep predikante en lidmate van Port Elizabeth en Uitenhage het gedurende 1983 vir ‘n week in die rondawels van die woonwapark te George tuisgegaan. Van daar af is daar per voet persoonlike uitnodigings na ‘n reeks dienste van ds. Johan Tolken uitgedeel. Heerlike tye van gebed is tydens die uitreik gehou.

Op 22 Augustus 1992 is die kerkgebou ingewy. Teen die einde van 1995 het die gemeente ‘n groot terugslag gehad, maar die Here het wonderbaarlik onderneem sodat die gemeente nie alleen herstel het nie, maar van krag tot krag gegroei het onder die bediening van ds. Johan Botha.

Die groot begeerte van die gemeente is dat elke kind van God ‘n sielewenner sal wees sodat meer kosbare siele gered kan word voor die wederkoms van onse Here Jesus.

In Efesiërs 5 vind ons ‘n paar uitstaande kenmerke van ‘n ware Christus-gemeente.

1. Ordelikheid en onderdanigheid aan Christus (verse 22-24).

2. Liefdevolle verhoudings wat dien tot stigting (verse 25-28).

3. Voeding en koestering (vers 29)

4. Standvastigheid, want ons is lede van een liggaam.

Mag hierdie kenmerke uitstaan in elke gemeente.