Brits
STIGTINGSDATUM: 15 September 1985
Die gemeente is bedien deur di.
Jurg le Roux, Koot Joubert, Theuns Putter, De Wet Lodewyk en Hennie Prinsloo.
Brits gemeente is gestig met ongeveer 15 lidmate vanuit Pretoria
Maranata. Op 1 Julie 1985 het 8 Christene ‘n vergadering in Brits gehou aan
huis van mev. Yvonne Cheyene. Onder leiding van ds. Fred Haupt is daar toe
besluit om met ‘n gemeente in Brits te begin.
‘n Moderne en luukse kerkgebou nader nou voltooiing. Die Here het
merkwaardig en wonderlik voorsien. Die koste van die gebou beloop tans R1
900 000 (1.9 miljoen Rand) en tot dusver is dit kontant gebou. Loof die
Here!
Ons toekomsvisie vir die gemeente is om ‘n lewende en dienende gemeente
te wees, wat passievol uitreik met die Evangelie om ‘n impak te maak vir Jesus
in Brits en verder. Sy laaste opdrag is ons hoogste prioriteit.
Jesus het
gesê: “Kyk, Ek kom gou en my loon is by My, om elkeen te vergeld soos sy
werk sal wees.” In die lig hiervan moet ons elke dag gereed en heilig lewe.
Maak dit jou lewenstyl om elke dag (1) die Woord te lees en te bepeins, (2)
elke dag in gebed deur te bring en (3) elke dag vir Jesus te getuig!